“Духоўнае адраджэнне аграгарадка праз прызму творчасці Касіцкая Ларысы Уладзіміраўны. Школа Актыўнага Грамадзяніна ў дзяржаўнай установе адукацыі “Азёрская сярэдняя школа”
8 красавіка 2021 г. вучні Азёрскай сярэдняй школы ў рамках інфармацыйна-адукацыйнага праекта “Школа Актыўнага Грамадзяніна” сустрэліся з народнай умеліцай Гродзенскага раёна, жыхаркай аграгарадка Азёры Касіцкай Ларысай Уладзіміраўнай. І гэта невыпадкова, бо тэма адзінага дня інфармавання – «Аб духоўных і маральных каштоўнасцях: дыялог пакаленняў».
Аграгарадок Азёры – гэта рэдкі па прыгажосці куток не толькі Гродзеншчыны, але і ўсёй Беларусі. Тут склаліся свае самабытныя, мастацкія і культурныя традыцыі. Уся атмасфера нясе ў сабе адбітак духоўнай спадчыны, сведчыць аб невычэрпным таленце, эстэтычным мысленні мясцовых жыхароў. І менавіта тут у гэтым цудоўным кутку Беларусі нарадзілася і жыве Ларыса Уладзіміраўна. Гэта зусім звычайная і ў той жа час вельмі незвычайная жанчына. Прайшоўшы складаны жыццёвы шлях, яна не страціла дабрыні, любові, веры ў сябе. Яна працягвае жыць і тварыць, выхоўваць дзяцей і ўнукаў, якія, як і цяга тварыць, з'яўляюцца сэнсам яе жыцця.
З нядаўніх часоў Ларыса Уладзіміраўна пачала пісаць іконы. Дакладна вынікаючы старажытнай іканаграфіі, інтэрпрытуе яе вельмі сучасна, перш за ўсё ў эмацыйнай афарбоўцы вобраза.
Своеасаблівым стрыжнем унутранага свету чалавека з'яўляюцца маральныя каштоўнасці, якія займаюць асаблівае месца сярод мноства праяў чалавечай духоўнасці. Таму ў фокусе абмеркавання – духоўныя якасці чалавека, пытанні маральнасці.
Ларыса Уладзіміраўна рассказала аб сваім жыцці, аб творчым лёсе, сумесна з вучнямі абмеркавалі пытанні духовнага жыцця чалавека, казалі пра тое, на якія маральныя якасці ў жыцці павінен абапірацца чалавек.
Таксама Ларыса Уладзіміраўна дала наказ маладому пакаленню: “Духоўнасць у жыцці кожнага чалавека вельмі важная. Цаніце кожны пражыты дзень, жывіце па законах дабра і справядлівасці, міласэрнасці і ўзаемадапамогі”.
Навучэнцы слухалі, стаіўшы дыханне: так проста і даступна гаварылася аб самых простых і важных рэчах ў жыцці кожнага чалавека - дабры, справядлівасці, міласэрнасці.
Вучні выйшлі пасля сустрэчы кожны са сваімі думкамі і развагамі. Упэўнены, што гэтая сустрэча закранула глыбінныя струны іх душы, прымусіла задумацца яшчэ раз пра духоўныя каштоўнасці.
