Тыдзень музея
Напярэдадні рэспубліканскага форуму музеяў устаноў адукацыі «Памяць народа ў надзейных руках маладых» з 18.10.2021 па 23.10.2021 пройдзе рэспубліканскі Тыдзень музеяў устаноў адукацыі.
Своеасаблівы старт Тыдня будзе дадзены ў рамках адкрыцця выставы экспазіцый музеяў устаноў адукацыі «Школьныя музеі - новыя магчымасці» ў Нацыянальным гістарычным музеі Рэспублікі Беларусь.
У рамках Тыдня на базе музея "Спадчына" ДУА "Азёрская СШ" пройдуць музейныя заняткі.
Пазнаёміцца з музеямі, якія дзейнічаюць ва ўстановах адукацыі Рэспублікі Беларусь, можна, наведаўшы сайт Рэспубліканскага цэнтра экалогіі і краязнаўства. На старонках сайта размешчаны пералік віртуальных музеяў устаноў адукацыі, якія размеркаваны па профілях і па рэгіёнах з пераходам на сайт пэўнага музея.
