Мястэчкi i вёскi Беларусi. Падарожжа з Жыгамонтам
У 2021 годзе ў выдавецтве «Беларуская Энцыклапедыя імя Петруся Броўкі» пабычыла свет кніга «Мястэчкi i вёскi Беларусi. Падарожжа з Жыгамонтам». Выданне прысвечана населеным пунктам, якія пакінулі свой след у беларускай гісторыі і да нашых часоў захавалі цікавыя сведчанні мінуўшчыны – помнікі, збудаванні, паданні.
«У камянёў доўгая памяць», – гаворыць даўнейшая прымаўка. Кіруючыся гэтым дэвізам, Юрый Жыгамонт, аўтар і вядучы папулярнай тэлевізійнай перадачы «Падарожжы дылетанта», выпраўляецца ў нічым не выбітныя, на першы погляд, беларускія вёсачкі і ў кожнай знаходзіць багатую на падзеі гісторыю і адметны след людзей, якія ўладкоўвалі і абаранялі гэтую зямлю, будавалі і разбуралі мясцовыя замкі і храмы, кахалі і ненавідзелі, марылі і стваралі.
У нататніку «дылетанта» знайшлося месца і для адметных казак і паданняў, звязаных з паходжаннем пэўных вёсак і мястэчак у Аршанскім, Барысаўскім, Ваўкавыскім, Воранаўскім, Лідскім, Ляхавіцкім, Пастаўскім, Івацэвіцкім, Карэліцкім, Міёрскім і іншых раёнах, куды сапраўды цікаўны падарожнік цяпер абавязкова пажадае завітаць.
Сярод такіх вёсак і мястэчак: Бяльмонты, Барань, Бусяж, Варонча, Вішнявец, Гайцюнішкі, Гудагай, Друя, Дрысвяты, Жырмуны, Ідолта, Лынтупы, Мсцібава, Шарашова і іншыя.
Кніга адрасавана шырокаму колу чытачоў.
НІА
па матэрыялах сайта http://www.bel-en.by
