Дзень Перамогі
9 Мая – Дзень Перамогі – адно з самых важных свят для нашай краіны. У мінулым засталіся кроў, боль, пакуты, страты… Дзень Перамогі падарыў сучаснікам і нашчадкам разуменне каштоўнасці жыцця і мірнага неба над галавой. Гісторыю кожнай беларускай сям'і закранула вайна. Памяць аб страшнай трагедыі і Вялікай Перамозе не можа згаснуць.
Мы памятаем! Мы ганарымся! З Днём Перамогі!
Жыві Перамога!
Жыві Перамога! Загойвай раны,
Узвышайся ўрачыста сцягамі палкоў,
Гары медалямі сівых ветэранаў –
Яны ў страі з тых далёкіх гадоў.
Каб смехам дзіцячым прасторы спявалі,
Каб матчыны вочы не ведалі слёз,
Героі твае абарону трымалі
І сёння вітаюць нас шэптам бяроз…
Святкуй, Беларусь! Партызанка-дзяўчына,
Ідзі на спатканне ў квецень садоў.
Хвалюй прыгажосцю, святая Айчына,
І памятай тых, хто з вайны не прыйшоў.
Алена Дзегцярова
